من خلال ما أسمعه وأشاهده تكونت لديَّ قناعة تامة بأن المهدد الأساسي لصحة وسلامة هذه البلد هو الإشاعات…
والله جد…
الحاجه دي أقسم بالله بتبشتن البني آدم أكتر من أي مرض وأي وباء ….
وهسة شربنا الشاي…
تبارٍ وتنافس عجيب في تحويل الخبر الحقيقي إلى خبر ملولول وفاسد….
لازم يتم تحليل الخبر الصحي الصحيح الخام إلى خبر متموم مسموم….
وتلذذ بالتهويل…
وإذا استمر الحال على ما هو عليه… الناس دي ح تموت بالوهم….
والله جد…
نفسيات ساي بتنقرض..
تعاطي عجيب وغريب مع الأخبار والأزمات…
وأي زول ينظر ويحلل ويفلق ويداوي براهو…
ناس بتجيب ليك طرق لانتشار كورونا وكيفية توعية من رأسهم دا…
نجر تقيل….
وانت حينئذ عليك الاستماع لكل هذا… والخروج من ذلك حياً…
بالطريقة دي دماغك ح تنفجر..
والله جد…
عليه…. حاربوا الإشاعات
الإشاعات حاربوها….
أقول قولي هذا من باب المشاهده…
و…..
بس
لدواع في بالي .
