تقول القاعدة الصحيحة يا حظر حظر (حظر عدييييل كدا) يا كمان خلونا ساي….
والمشكلة فينا أقسم بالله…..
ذات يوم عندما قال دكتور اكرم نراهن على وعي الشعب (قلت لحبوبة جيرانا سجمنا)
الوعي دا كتكوين وسلوك والتزام عند ناس بالحساب…. شوية ناس
والله جد….
عشان ما نكذب علي روحنا ساي….
الباقين عارفين وما دايرين…
في ناس بتشوف لو إنها اتعاملت بي وعي مع الجائحة دي أو مع أي حاجة كأنو عيب أو جبن أو رجس من عمل الشيطان…
لازم يتصل بي قريبو أو صديقو الشغال في جهة رسمية عشان يطلع ليهو تصريح….
يستطيع البني آدم أن يعيش بدون ماء… لكن كيف يعيش بدون تصريح مرور…
وهسه شربنا الشاي….
نوع آخر يعتقد أنه طالما لم يعبر الكبري فهو لن يتعرض للمرض…
أي حتة مافيها نقطة ارتكاز معناها مافيها كورونا…
حيث إن الحي والحلة والضمنه والليدو معقمات تب…
وثمة من يرى أنه إذا لم (يرطب) من الأزمة دي فهو (لتخه)….
لازم يستغل الناس…
(يحنك تصريح) ويشحن عربيتو المشوار بي ٣٢ مليون من الخرطوم للجزيرة أو النيل الأبيض….
يزيد سعر السلعة إلى ما هو جنوني وأشياء تجعل الكورونا كائن إنساني بالمقارنه معهم…
والله جد….
قدر ما في ناس أبهرونا بالوعي قدر مافي حاجات تشل…
الشلل الواحد دا…
وغايتو الناس تحتسب…
المهم فايدة الحظر دا إنو ال فعلا عايز يحافظ على نفسو وعلى الحولو قدر يعمل كدا بتصريح رسمي…
ويا أيها الناس : دا ما حظر تقابلو بيهو جائحة…
و…..
رحمة ربنا بس .