#الكهربة مالا يا ناس الكهرباء؟!
#أهل العلم والعلوم قالوا لو أنك قمت بعمل صدمة كهربائية لدماغ شخص ما فإن مهارته وشطارته في الرياضيات ستتحسن وتزيد بشكل كبير، وذلك لمدة مؤقتة تصل إلى 6 أشهر..
الحمد لله أهلنا ما كانوا عارفين المعلومة دي..
كان بقينا ناس بي كهرباء..
بعض الأمور الجهل بها نعمة عظيمة.
والله جد..
# ثمة علاقات وشخصيات تنظر إليها من كل الجهات، فتدرك أن لا شئ ينفع معها سوى البتر….
قرقرينة روح..
والله جد..
# ياريت الزول البقول لناس الكهرباء المطرة جات والكتاحة على وصول… عشان يقطعوا الكهرباء ياريت بعد المطره تقيف يقول ليهم المطرة وقفت.
يبدو أن هناك فتوى هندسية في هذه البلاد تقول لا يجوز أن تشتغل الكهرباء بوجود المطر…
لا يعني الأسلاك دي ما عندهم محرم؟
ما فيها عازل؟!
قاعدة في الصقيعة؟
بتخاف من الموية؟
سوسيو هي… ولا لحاف؟
# ثمة علاقات حين تنتهي علينا أن نستعير لسان حبوبة جيرانا ونقول (طار الشر)
والله جد..
#و……..
غني يا قمري
لدواع في بالي
