(1)
الجرجرة دي … قاعد تجر البلد لحتة مقطوعة أقسم بالله..
(2)
وزير الصحة في النظام السابق “أبو قردة” الذي قال (بنجيب لمرضى السرطان العلاج وبنصرف قروش ساي وفي النهاية بموتوا)… دعوه يتكلم ساي هو و”ميادة” … في النهاية ما في زول عندو ليهم شئ…..
واضح الفهم… والإحساس واضح .
بدل ما يسلم نفسو (على فساد فهمو دا) قال نقود المرحلة…
مخير الله….
(3)
حكومة تكنوقراط يعني تكنوقراط … كفاءات مستقلة وبس… لا دايرين جيش يحكم لا أحزاب
(4)
السادة الأحزاب باللغة بتاعة “الصادق المهدي” أنا بفتكر الفترة دي بالنسبة ليكم (حبسة عروس) إتجيهوا ونضفوا وشكم قدام الشعب السوداني استعداداً للانتخابات… غير كدا يفتح الله
والله جد..
(5)
طالما الكهرباء بتقطع الكيزان قاعدين
(6)
في موضوع الاعتقالات دا اشتغلوا بينا سياسة ولا كيف ؟
….
(٧)
السودان يمر بحقبة نفسية اسمها المؤتمرات الصحفية…
مؤتمر كل يوم… بلا جديد .
…..
(٨)
صوموا عن الإشاعات تفطروا بالخبر اليقين
