# قال إن زوجته هذا النهار لفتت نظره لحاجتين مهمتين جداً…
أول حاجه أنها محتاجة لبس جديد عشان ما عندها لبس خالص… وتاني حاجه أنها اشترت وحدة أدراج … عشان الدولاب ما مكفي هدومها…
اتفرجتوا؟!
قدامك كتير عشان تفهم دماغ المرأة..
……
# نقوم بتطفيش الناس من حوالينا ونرجع نشتكي من الوحدة… والغريبة معانا حق في الحالين..
…
# معظمنا (يطنش) المحاضرة قصداً… لأن صديقه يجيد الشرح أكثر من الدكتور…
ذاك الذي يفهم طريقة تفكيرك وآلية دخول المعلومة إلى دماغك..
….
# جملة (أكحل عيني بي شوفتك) دي واحدة من أجمل العبارات الفي قاموس الشوق بتاعنا…
والله جد…
…
# أكثر وجبة سامة تقوم بتحضيرها في حياتك هي أن تجيب إنسان عادي وتعطيه أكبر من حجمه..
والله جد..
….
# خوفك الزائد على الأشياء أن تنكسر… قد يكسرك أنت
…
# التراكمات قد تجعل الشخص يقسو رغم لين قلبه ويكابر رغم شدة حبه..
…
# قالوا إنك تجيب وردة في وقتها أحسن مليار مرة من تجيب نجمة من السماء بعد الوقت المناسب وإنك تجئ دقيقة واحدة في الوقت الصح أحسن ستمائة مرة من تجئ سنة بعدها…. الوقت بفرق أكتر من نقطة وئام
و………
يعني كيفن ما بريدك
لدواعٍ في بالي
