# في ناس لما يحاولوا يلمحوا ليك … بحكوا ليك الموضوع كلو.
والله جد..
#عن كمية الروعة والكلام الكتييير والملخص العجيب الموجود في (ثم افترقنا… وكأني ما كأني) في أغنية عثمان الشفيع (الزهور و الورد)
تعرف شنو إنت عن التلخيص…
…
#في حاجة ظهرت في الفترات الأخيرة دي اسمها (التنمر بالنجوم) الحاجة دي عبارة عن إنو الناس بتنتظر إطلالات النجمات تحديداً في البرامج والمهرجانات ويشرعوا في تشريح إطلالتهن والسخرية والتهكم وكل ما هو عنف…
والله جد…
# أمك الجميلة (بتبستفك) قدام نفسك وتقول ليك (إنت واحد عولاق وما منك رجاء وووووو) بينما قدام الناس بتطلعك ملاك وعظيم ومهذب وأحسن زول…. والكلام دا بصراحة (سمح وشين)
والله جد..
…..
# ياريت الزول البقول لناس الكهرباء المطرة جات والكتاحة على وصول… عشان يقطعوا الكهرباء ، ياريت بعد المطرة تقيف يقول ليهم المطرة وقفت.
ثمة فتوى هندسية في هذه البلاد تقول: لا يجوز أن تشتغل الكهرباء بوجود المطر…
لا، يعني الأسلاك دي ما عندهم محرم؟!
ما فيها عازل؟!
