#في قرارات مفروض الجهة المسؤولة لما تتخذها تواجهنا كمواطنين قاعدين معاهم في البلد وتقول لينا حاصل كذا كذا وعليه سوف نقوم بفعل كذا.. عشان ما نقعد نحلل ساي وتقولوا لينا تحليلكم غلط..
كلمونا وأقنعونا…
ورينا الفي بالك.. قول لينا الحقيقة
…….
#في ناس لما يطلعوا من حياتك.. تقلب قلبك دا شمال يمين ما تلقى أثر زعل… تحنس قلبك عشان يزعل عليهم نص ثانية يقول ليك أبيت..
غالباً ما صدق إنهم غاروا …
أبيت أبيت..
….
#الأيام دي تلفزيون السودان عندو (عشراقة) صوتو مجروح وملتهب جداً.. نسأل الله العافية والسلامة..
#حبوبة جيرانا وأنا وكتار آخرون معجبون بـ(الليلة في سيرتك) ومكسرين في الاسم ذات نفسو..
لو سمحتوا الموسم الجاي إن شاء الله (اقطعوا قطيعة سمحة) في ناس موجودين من غير ما يكونوا حاضرين في الأستوديو ولا في المحطات الخارجية..
……
#وعلى سبيل الحاجات السمحة تكريم أستاذنا “ميرغني البكري”.
…….
#لو سمحت:
في عطلة العيد إن شاء الله
حاول تلقى العيد.. اشتري ولو أبسط حاجاتو.. ارسم ملامحو.. امشي الصلاة وادخل البيوت لاقي الناس..
أخلق ليك برنامج مع أهلك وأصحابك..
ما ترقد في سريرك وتخبرنا أن العيد لم يعد له طعم..
والله جد..
