"مصطفى عثمان": (ما دايرين صوت واحد يجينا بالتزوير ويدخل علينا بالماحق)
الجنينة – عبد الرحمن محمد أحمد
أشاد أمين القطاع السياسي بالمؤتمر الوطني الدكتور “مصطفى عثمان إسماعيل” بمستوى ترابط وتناغم قطاعات وأمانات الحزب بولاية غرب دارفور، لإحرازهم المرحلة الأولى في كشوفات تسجيل الناخبين من العضوية، استعداداً لانتخابات أبريل ٢٠١٥. وأكد “إسماعيل” استمرار الدولة في الحوار مع الأحزاب والقوى السياسية، من أجل وحدة السودان وتماسكه وانفتاحه اقتصادياً وتنموياً على العالم الخارجي. جاء ذلك لدى مخاطبته مساء (الخميس) بمدينة الجنينة اللقاء التعبوي للقطاع الفئوي للمؤتمر الوطني بالولاية، الذي ضم قطاعات المرأة والشباب والطلاب والعاملين تحت شعار: (نقود الإصلاح- نستكمل النهضة)، وذلك بمشاركة واسعة من دائرة دارفور بالمؤتمر الوطني. وقال “إسماعيل”: (إن الانتخابات المقبلة استحقاق دستوري وغاية وأهداف نبيلة، والهدف النبيل يأخذ بالوسيلة الشريفة. نحنا لو نزلنا كمؤتمر وطني في كل دوائر ولاية غرب دارفور لفزنا بلا منازع.. لأنو ماقدمناه في مجال الخدمات التنموية والمشروعات خير شاهد). وتابع: (لكننا نحن ندير السياسة بالأخلاق والتوسع في المشاركة حتى يأخذ أهل السودان حقهم جميعاً). وأقسم د. “مصطفى عثمان” بالله ثلاثاً قائلاً: (لابد من أن نستمر في مهامنا الأساسية في المجتمع برؤية واضحة، أن نخوض الانتخابات بنزاهة). وقال: (نحنا ما دايرين صوت واحد يجينا بالتزوير احنا لادايرينو وما يخرب علينا وحيدخل لينا بالماحق). وأضاف: (الشاهد يا أخوانا الانتخابات دي بنخوضها بالنزاهة لأنو القليل المبروك ربنا بيباركو ويزيدو وبكترو والكتير لمن يكون ما مبروك ومبارك ربنا بمحقو، عشان كده دايرين أي برلماني لمن يجي يجي بنزاهة ووضوح ومنافسة حرة وما دايرينو يجي بطريقة معوجة).
