من منطلق الأحلام والأمنيات التي تتخلق هذه الأيام على حس الاتفاق والسودان الجديد … ماذا لو أنشأت كل الشركات والمؤسسات قسماً خاصاً بالتدريب وشرح آلية العمل (ورحمتنا من مطلوب شهادة خبرة)..
وقالت مطلوب شهادة شغف… شهادة حياة…شهادة طموح…الحاجات السمحة دي
والله جد…
يأتي الشاب محملاً بشغفه وقدرته على العطاء والعمل والابتكار فيطلبون منه شهادة خبرة…
(يمشي يسك الخبرة وحين يجدها حيلو يروح وشغفو يموت) حيث ان أغلب (الحتات) التي يعمل بها من أجل الخبرة تستغله (استغلال عدوك) حيث (يعمل بلا راتب أو بي حق المواصلات) و(يشتغل شغل ناس الخبرة القاعدين في المكاتب ساي) إلى أن يكره مجاله وموطنه وحياتو ذاتا…
عليه من حقوق الشباب على المجتمع إنو أي شركة تعمل قسم تدريب (تديك الزيت كلو في أسبوعين … شهر… حاجه زي دي) وتتوكل تعينك وفقاً لاستيعابك مفاتيح العمل خلال هذه الفترة…
ياخ ما تكرهوا الشاب حياتو…
ما تجيبوا شاب يشتغل شغل الناس مجاناً…
ما تضبحوا الشباب وتستنزفوا طاقاتهم عشان ورقة خبرة…
خبرة دي منو البتقتلوا بيها الشباب دي؟!
ياخ ليه ياخ…
أقول قولي هذا مغبونة
و…….
بطلوا حقارة
لدواعِ في بالي
