من أشكال الأمان أنك تكون قادر تعرف وتفهم وتتحكم فيما يليك من التزامات وحوارات.. وقد يأتيك البلاء على هيئة هواجس في الدماغ.
تقول حبوبة جيرانا هناك أمن نفسي، أمن عاطفي، أمن علاجي، أمن غنائي، أمن برامجي، زراعي، غذائي،… وهو شعورك بالاستقرار والراحة في هذه النواحي، ولو أنك حصلت على (3) فقط.. عليه تعتبر حياتك عسل وورد وفل وتمام التمام.
المشكلة الجميلة حين تبحث عن الأمان عند الزول النزعو منك أو كما حدث في أغنية الأمان (يا ما إنت ظالم وأنا طايع أوامرك).
طايع أوامرو لشنو؟!
نحن نتضامن معاك كيف وإنت (طايع) أوامرو؟!
قلبك دا حقك ملك؟ والاّ مأجرو من “محمد منير”؟!
لو أجرينا عملية حسابية بسيطة بين (يا ما) وبين (من ما طرفي شافك) نلاحظ أن حالة (الظلم والطاعة) دي قديمة شديد بدليل يا ما نفسها..
الناتج عُمر كامل وصبر كتير وكسور وبواقي.
والله جد..
أجمل حاجة ممكن يقدما ليك شخص هو إنو يخليك مطمئن..
ما خايف من حاجة..
وتشعر بالأمان مع أهلك وحبايبك..
أقول قولي هذا على سبيل الخواطر
وإن كان عن نفسي أنا شخصياً: أمنتك على نفسي عشان لقيتني مصدقاك أو كما قالت “شيرين عبدالوهاب”
و……..
كيف ما أخافك
لدواعٍ في بالي
