#(زمان) كنا نرى أن الذين يرددون عبارات التغزل في الماضي و(يا حليل زمان وغنا زمان وأيام زمان وتعليم زمان) كنا نعتقد أنهم (سجناء حنين) ولكننا اليوم نقر ونعترف ونعتذر إليهم بعد أن أدركنا حقيقة تقدمنا إلى الخلف..
حليلنا نحن ديل وحليل الكان..
……
#لمن تشتري حاجة بمبلغ وقدره ويجي زول شرير عامل فيها فاعل خير ويقول ليك (غشوك والله البتاعة دي بي 10 جنيه في الشهداء) ما ح تمسخ عليك الحاجة بس.. ح يمسخ عليك الفطور والغداء والشاي والونسة والتلفون والطلعة..
والله جد…
…..
#أنا وأختي مشينا لحبوبة جيرانا فوجدناها تصلي..
وبعد أن أكملت صلاتها طلبت منها أن (أدعي لي) أخذت تدعو لي بما أحبه لنفسي وما تحبه هي لي، وأنا اردد خلفها (آمين.. آمين) إلى أن تدخلت أختي وقالت لها: وأنا
هنا انفعلت حبوبة جيرانا وجاطت قائلة: في مائة وقت تاني.. في صلاة الصبح وفي صلاة العشاء..
اتفرجتوا؟!
نظرت إليّا شقيقتي وقد صدمها الرد..
قلت لها موضحة: يبدو الحزمة انتهت..
مرات تحس حبوبة جيرانا دي شركة اتصالات وشغالة بي سعات وباقات معينة..
هرشة جد…
…..
#لو أنت وصديقك المقرب جيران.. ح تتحل نص مشاكلك لكن مشاكل ناس بيتكم احتمال شديد تزيد..
أقلو لو دايرين يرسلوك تجيب ليمون ما يلقوك..
…..
#يشكل حضور المتمكنة “مشاعر عبد الكريم” تلات أرباع جماليات قناة سودانية 24
والله جد..
