#الحقيقة نحن بنبقى منتظرين حل للأزمات الاقتصادية وفي أثناء ذلك بتجي أزمات جديدة.
يوم واحد ما شفنا حل..
فغايتو الناس تحتسب.
…..
#ولما الأزمات الاقتصادية تعمل (دويتو) مع الأزمات الأخلاقية يبقى على لحن الحياة السلام.
……
#قال: سلاماً على الذين إن خاننا التعبير لم يخُنهم الفهم وإذا أفسدنا مفرداتنا، أصلحوا نواياهم..
…….
#قالوا في الصيف (لا يصلح العطر ما أفسده الحر)..
بصراحة كفاية علينا قرف الصفوف.. انتبه لنظافتك الشخصية واستحم عشان خاطر الزول القاعد جنبك في المواصلات..
….
#المهم التلفونات دي بقت تخلينا نشوف وش المجتمع الكنا ما عايزين نشوفو..
والله جد..
…..
# لا أفهم لماذا يعتمد بعض الناس قانون من حلف مبتسماً فهو كاذب.
……
# مرات الزول الامتحن الشهادة ما بكون خايف من النتيجة.. بكون خايف من نتيجة النتيجة.
…..
# الصداع النفسي إنك تكون صديق مقرب لشخصين ما بطيقوا بعض.
#بعض الأشخاص كما الراديو.. بتسمع منهم لكن عمرك ما شفت شيء..
والله جد..
