فوق رأي

بشكي لعينيك عيوني
هناء إبراهيم

ثمة أشخاص لن نجد أقرب منهم إلينا لنشكوهم إليهم.. لذا نشتكيهم إلى أنفسهم و(هم وذوقهم بعد داك).
والله جد..
تمكنوا من قلبك لدرجة بعيدة جداً.. وعاثوا فيه حباً وظلماً.. تعميراً وتدميراً.
 وأنت وإن اعترضت، يبدو اعتراضك تأييداً لهم.
أعتقد ذلك..
و…
إنت ما ليك دعوة بيّ
لا صغيرة على غرامك
لا كبير الحب عليّ
…
سيبني أهلك كان هلكت
فيك عاجبني الهلاك
قلبي صاح في الريد أناني
مافي زول في الحب ملاك
لازم أتجنن شوية
ومرة أتفاهم معاك
مرة أديك ريدي كلو
ومرة أتجنب لقاك
عادي أرضيك بي عيوني
وعادي أتشاكل معاك
يعني ممكن أجيك فجأة
أشكي لعينيك عيوني
إنو قاعدة تشوف جمالك
وما بترضى تشوف شجوني
وممكن ألقاك مرة تاني
وأشكي لعيني عيونك
إنو حلوة
وفيها إحساس مافي زيو
وإنو ما بتكون بدونك
…
يعني ممكن أنادي ليك
وإنت واقف جنب فؤادي
روحي تتونس هواك
وإنت في ضفة بُعادي
ياخي ما تضحك عليّ
وبرضو ما ليك دعوة بيّ
و…….
والله جد
لدواعٍ في بالي