والي جنوب دارفور: المرحلة المقبلة ستشهد عملاً دءوباً لإخراج الولاية

نيالا- عبد المنعم مادبو
قطع والي جنوب دارفور المهندس “آدم الفكي” أن المرحلة المقبلة ستشهد عملاً دءوباً لإخراج الولاية لبر الأمان في المجالات الأمنية وتحقيق التماسك الاجتماعي. وقال “الفكي” إن الأمن يظل مسؤولية الحكومة لذلك يجب عليها أن تبسط هيبتها وسيطرتها، لكنه عاد وأكد أن بسط هيبة الدولة يحتاج لمساهمة المجتمع عبر المصالحات القبلية ووحدة النسيج الاجتماعي. ورهن قيام مشروعات كهرباء نيالا من الشبكة القومية ومياه نيالا من حوض البقارة باستتباب الأمن الذي قال إنه سيعمل لتحقيقه من أجل قيام هذه المشروعات.
 ورفع الوالي خلال مخاطبته الجماهير التي احتشدت لاستقباله بنيالا أمس (الاثنين) شعار حكومته للمرحلة المقبلة والتي تحمل (السلام والوحدة والتنمية). وقال إن هذا الشعار سيتحقق بتضافر جهود الجميع وأن الأمن والتنمية لابد أن تمشي مع بعض. ووعد الوالي بالاجتهاد لرفع حالة حظر التجوال بحاضرة الولاية نيالا الذي فرضه الوالي السابق “آدم محمود جار النبي” من العاشرة ليلاً حتى السابعة صباحاً. وقطع بأن المرحلة المقبلة ليس فيها تلاعب في المجال الأمني. وأضاف(الزول البفرط وبقبضوه نحن ما حنتلاعب في هذا الأمر وتاني ما بنخلي زول يخطفوه من المحكمة وما بنخلي زول يسوقوه من جوة الشرطة). وتابع (نحن جاهزين للقصة دي لو دايرين كوماج ولو دايرين دواس نحن ما بنخاف من زول). وقال الوالي إن (الجيش والشرطة وجهاز الأمن والدعم السريع وحرس الحدود)، كلها منظومة تتبع للحكومة وأي زول بفتكر هو ما تابع للحكومة وخارج عنها كلامه ما صحيح، لأن السلاح العنده والذخيرة والمرتب الذي يأخذه هو من الحكومة، لذلك لابد أن يأتمر بأمر الحكومة حتى تبسط الحكومة هيبتها بهذه البلد. ودعا “الفكي” قيادات ومجتمع الولاية إلى فتح صفحة جديدة بعيدة عن الشلليات والتكتلات. وأضاف (يا ناس نيالا اسمعوا الكلام دا كويس أنا أي زول بجيني ويقول لي فلان قال كدا بجيب فلان دا قدامو وبسأله عشان يدافع عن نفسه عشان نحن ما نظلم زول). وتابع (نحن ما بنقبل أي زول يجي يتكلم في زول تاني وما بنقبل أي شلليات وما دايرين قوالات رجال ولا قوالات نسوان ولا قوالات قبائل، ولا دايرين تحرشات وأي زول عنده رأي في الحكومة يجي يقوله لنا مباشرة، لكن ما يجي واحد يقول لي الزول دا والله معاك والزول دا ضدك يا السيد الوالي).‬