أسرى معارك (فنقا) يقرون بفرض (أتاوات) على المواطنين ونهب أموالهم بقوّة السّلاح.

“حميدتي” لـ (المتمردين): (تحرير (فنقا) دي المناظر الفيلم لسة ما بدا)
الخرطوم ـ محمد جمال قندول
أقر أسرى حركات دارفور المتمردة بشرق جبل مرة الذين أسرتهم قوات الدعم السريع أثناء تحريرها منطقة (فنقا) رئاسة قوات حركتي “عبد الواحد محمد نور” و”مني أركو مناوي” (الخميس) الماضي، أقروا أن الحركات المُتمرِّدة المُسلّحة كانت تقوم بترويع المُواطنين ونهب أموالهم ومُمْتلكاتهم وفرض “أتاوات” عليهم بقوّة السّلاح. وكشف العميد “محمد حمدان دقلو” “حِميدتي” خلال مخاطبته قواته بمنطقة (فنقا) عن تمكُّن قُوّات الدّعم السّريع مِن إلحاق خسائر كبيرة في المُمْتلكات والأرواح حيث كبّدتهم أكْثر مِن (400) قتيل و(17) أسير وتدمير (35) عربة والاستحواذ على (35) عربة أُخرى بحالة جيِّدة، مُضيفاً أن قُوّات العدو هربت وبينها عدد كبير مِن الجرحى، مُؤكِّداً أن قُوّاته قامت بعلاج الأسرى الجّرحى الذين سقطوا بين أيدي قُوّاتِه.وقال “حِميدتي” مُوجِّهاً حديثه للمتمرد “عبد الواحِد مُحمّد نور”: (السّكران القاعِد في باريس ولا وين دة قبل يومين قال كلام .. قال لو ناس الدّعم السّريع خشُّوا “فنقا” أنا أركب لي حُمار أجي وين؟). وقال: (نحن بنقول ليهو بعد ده شوف ليك طريقة كان داير تجي “فنقا” راكب حمار بِندّيك حُمار.. ولو داير تجي بطيارة بندّيك طيّارة)وأكّد “حمِيدتي” دُخولهم “فنقا” بأقل خُسارة، مُضيفاً أن العدو تكبّد خسارة قُدرت بأكثر مِن (400) قتيل وأكثر مِن (18) أسير، وقال: (الجرحى الأسرناهم عالجناهم لكن جرحاهم ما عارفنّهم كم .. لأنُّو الآن معلوماتنا بلقِّطوا في جرحاهم مِن الجِّبال وقادتهم جارين برجليهم في الجِّبال)، وأضاف: (وبنقول ليهم دي المناظِر لِسّع الفيِلِم ما بدا، دي معركة يوم واحِد وأنحنا عندنا ليهم معارِك كتيرة).ونبه “حميدتى” إن الحركات المتمردة في شرق الجبل فقدت أفضل قياداتها. وقال: (النّاس ديل ماتوا ليهم خِيرة ناسهم، “أحمد سعد النُّور” هلك و”رجب جَوْ” طبعاً ده المُقاتِل درجة أُولى ودي بندقيتو عشان تاني ما يقولوا لينا “رجب جَوْ” قاعِد ولا “رجب جَوْ” ماف). وتابع : (نحن والله ما ناس كلام أنِحنا ناس فِعِل  ناس قرقاش).