قبل أن نضع تعليقنا الخاص على أي موضوع أو مشهد أو صورة أو منشور أو مسلسل.. علينا أن ننتبه أنه ربما
(الأوفر عندك) عادي عند غيرك..
إنو في بيئات وألوان تربوية كتييييره جداً غير بيئتك وتربتك..
إنو في مائة زاوية أخرى للموضوع غير زاوية شوفك..
إنو في جزء من هذا المجتمع إنت ما شايفو وما جايب خبرو.. وغيرك عايش وسطو..
إنو في أفكار ما جاتك .. جات لغيرك
لو ختينا الحاجة دي ونحن بنعلق ح نبعد أميال عن أذية خلق الله وتكسير مجاديف الناس..
والله جد..
ياخ قالب العصيدة في منو أشكال وأنواع خلي قوالب الفهم والتفكير والتربية والنشأة والحياة والناس..
الناس دي مختلفة… ما كلهم بشبهوك
تقبل الاختلاف دا عشان (تعقم نفسياتك)
لما نمر على التعليقات الموجودة في فضاء مواقع التواصل الاجتماعي بنحس إننا فعلاً محتاجين دا..
وهسه شربنا الشاي….
أقول قولي هذا كملاحظة
ودايره أقول ليك: خلي بالك من كلام
و…………
الحياة ألوان
لدواع في بالي
