}عندما بدأت الكتابة عبر صحيفة فنون.. وجدت ذات يوم مظروفاً أنيقاً في انتظاري.. كان بداخله ديوان شعر (السرة بت عوض الكريم) وتوقيع فاخر من وطن اسمه (حميد).. تحت هذا الوسم (لعلها حبوبة جيرانكم.. معزتي.. حميد)..
والأمر بالنسبة لي فخر وطاقة وقدرة..
سلاماً عليك ورحمة..
……
}هو ما عيد.. هن العيد.. هو يوم للتعبير عن محبتنا لهن وبذل الهدايا..
وعشان نعتذر عن التقصير وعلى حاجات كتييييرة..
احترام ومحبة وتقدير لكل الأمهات.. كل يوم وأنتن عيد الحياة وحياة العيد..
وهسه شربنا الشاي
……
}نانسي عجرم مرة قالت
(مين دا اللي نسيك)
والنسيان يا ستي عوالم
وكل نسيان يقودني إليك
…..
} مرات بتحس إنك عبارة عن (فترة) في حياة بعض الناس.. والإحساس دا ممكن يعمل ليك تسمم عاطفي حاد جداً..
والله جد..
كونك (فترة) أو فاصل إعلاني (زول مؤقت يعني)..
…..
} الصدفة البتجي تذكرك النسيتو كلو.. دي أسوأ صدفة في العالم..
والله جد..
و”حسين الصادق” غنى مرة
لو طريق لماني بيك
يا تسيبو يا أسيبو
عشان بخاف في يوم نتلاقى
بخاف عيوني تشوف عيونك
أو شجوني تزيد شجونك
بعدما انتهت العلاقة
و……
أصلي من فارقت دربك
قلبي دابو الراحة ضاقا
لدواعٍ في بالو
