الرئيس يعلن رسمياً نهاية التمرد في دارفور ويوجه بحسمه في النيل الأزرق وكردفان قريباً
كشف عن خطة الحكومة لجمع السلاح
الخرطوم – طلال إسماعيل – محمد أزهري
كشف رئيس الجمهورية “عمر البشير” عن توجيهات للقوات المسلحة بحسم التمرد في جنوب كردفان والنيل الأزرق قبل فصل الخريف القادم بعد الإعلان رسمياً عن خلو دارفور من التمرد.
وقال الرئيس، أمس (الثلاثاء)، في ختام مؤتمر التقييم والتقويم للعام الماضي بالمركز العام للدفاع الشعبي، قال: (الحوار لكل الناس إلا من أبى وهو خيار أهل السودان، ومن أبى الحوار إلا الشيوعيين والمتمردين، وما تبقى من المتمردين في معركة قوز دنقو– حركة العدل بقيادة جبريل إبراهيم- والهاربين منها مرتزقة وقاعدين في جنوب السودان ومنتظرين ناس حكومة جنوب السودان يقولوا ليهم يعملوا شنو ونحن ح نطلعهم من هناك، وناس حركة تحرير السودان بقيادة مني أركو مناوي- قاعدين في ليبيا بقاتلوا مع حفتر وبينهبوا في الليبيين ونحن راجينهم وكان ما جونا جاي من حقنا نمشي ليهم محل ما كانوا). وأضاف الرئيس: (بكرة الحوار ح ينتهي ووقف إطلاق النار ح ينتهي وقبل الخريف القادم نريد أن تكون كردفان تمام والنيل الأزرق تمام وخالية من التمرد).
وأشار “البشير” إلى خطة الحكومة لجمع السلاح في دارفور بعد الإعلان رسمياً عن خلوها من التمرد عقب سيطرة القوات المسلحة الكاملة على جبل مرة وقال: (في دارفور مافي تمرد الآن هنالك سلاح في يد الناس وح نعمل برنامج للإحصاء والتسجيل ونجمعوا بالتي هي أحسن ونعوض الناس عن السلاح لكن في آخر المدة السلاح لن يكون إلا في يد القوات النظامية). وفي تعليق للرئيس على خبر طرح الولايات المتحدة الأمريكية لمشروع في مجلس الأمن الدولي بحظر الذهب السوداني زاد بالقول: (التآمر مستمر وأمبارح القريبة دي الأمريكان مقدمين مشروع لمجلس الأمن لحظر صادرات الذهب السوداني الكلام ده أمبارح لكن الحمدل له نحن لدينا أصدقاء أقوياء وعرفوا أننا مستهدفين لأننا نقول للأمريكان لا، وبنقول للاستعمار الجديد لا، وبنقول ليهم كلهم نحن لن نركع إلا لله سبحانه وتعالى).
